Ein liten gladsak eg fekk i inboksen min som eg må dele med folket 🙂
Nordfjordmønsteret lev vidare i nye strikkeplagg.
Skal sei det er kjekt når innlegg her på bloggen inspirerar so pass at nokon hiv seg over strikkepinnane. Det var Ragnhild Heggen Oksholen ute frå Polljen som tok til på produksjonen.
Ragnhild har strikka to ulike variantar, eine paret har kolleroser medan det andre har andreaskrossar i stolpemønsteret. Varianten med andreaskrossar er den Husfliden i Bergen gav ut eit mønster på. Mønsteret med kolleroser er den mønstertypen som truleg kjem frå Hyen.
Ragnhild Heggen Oksholen har lenge spesialisert seg på Kattefotmønsteret som er ein anna variant av nordfjordmønsteret.
Eg har studert fleire år saman med dottera til Ragnhild. Vi to vart tilvist lesesalsplass på ein heller kjølig lesesal. Der var det berre ull som gjaldt vinterstid og det var ikkje fritt for at eg slang nokre grøne misunnelege blikk bort på dei flott ornamenterte ullsokkane til ho Siri. Det var sokka det! Det vart ikkje betre då ho viste meg matchande genser og hue i tillegg.
Til slutt må legg eg ved eit par sokkeflotte gutar frå farne tider.
Bilete er henta frå Fylkesarkivet i Sogn og Fjordane sin flickr konto: https://www.flickr.com/photos/fylkesarkiv/
Fjordhistorikaren 
Eg er svært kry av dette. Kjekt å bli gjort stas på.
Kjekt å kunne løfte fram kreative arbeid som dette😊 Eg har fått fleire tilbakemeldingar på kattefot-gensaren til Siri!